“我覺得DW真係好專業💖， 我記得嗰陣時我哋影外景嘅時候，DW係會分返男女兄弟姊妹兩邊同步影，呢個位我幾欣賞。 因為我之前做過姊妹，多數啲攝影師影緊新郎同兄弟嗰邊嘅時候，多數新娘同姊妹就會喺隔離傾偈，我覺得咁樣就會嘥咗啲時間。 因為我揀咗2P 2V，所以佢哋可以分開進行唔同嘅工作💯。出到嚟嘅成品我哋都好滿意，甚至有啲相DW都有幫我哋再調校下啲色tone😙。 至於早拍晚播嘅片，我就覺得遲咗少少播，因為都差唔多10點幾先播。可能係因為影相期間有親戚插入嚟合照，令到影相嗰到用多咗時間，定可能條片真係剪耐咗，因為我哋係入咗席先證婚， 變相佢哋要之後先可以放返啲證婚嘅片段入去條片到，咁先會完整啲，但如果可以早少少播，就可以令到賓客佢哋可以預返時間走🥹。”

“拍攝過程中，我覺得DW 嘅攝影團隊好專業，俾嘅指示都好清晰，氣氛同時間都控制得好好。攝影師能夠把握每一分每一秒，捕捉到每個重要時刻，有影到新娘子同姊妹玩嘅相，又影到新郎哥接新娘子嘅相，特別係啲婚禮嘅關鍵時刻，DW 嘅表現非常出色🤪。我哋有喺教堂拍攝，團隊都唔會擋到其他賓客嘅視線，呢一點令我覺得DW 做得非常好🌟。

因為我哋出門嗰間房係喺屋企，我哋都有拍返條片，話佢聽間房大概係點樣，例如係顏色同大細，就算係喺深夜，攝影師都不辭勞苦咁俾咗啲意見我哋🙏🏻。 我哋都有話到俾攝影師知聽條片，想要咩感覺同咩角度，DW 都有跟足曬去做， 條片出到嚟都好莊諧並重，有啲好型嘅moment，都有啲好溫馨嘅moment🌟。 仲有一個位置就係DW 都會願意幫手去講敬茶嘅一啲喜慶說話，除此之外，團隊都有仲送咗一隻好靚嘅 USB，又有啲相當晚就俾咗我哋，感受到DW 都幾花心思喺新人身上😙。 ”