“我係上網見到 Carmen 律師幫人證婚嘅片，覺得佢嘅證婚方式好唔同，唔會淨係讀稿，而係會加入新人嘅故事，令到整個婚禮更加有連貫性，我哋都幾鍾意呢一點😚。Carmen 唔單止令到證婚儀式變得有特色，佢平時同我哋溝通時，都會將啲細節講得好詳細😝。除咗解釋證婚程序，Carmen仲會提醒我哋唔同嘅細節，例如係賓客座位安排，佢會建議我哋點樣安排座位，所以我覺得Carmen好細心同有經驗🥰。Big Day之前，Carmen會問下我哋嘅故事，仲會用紙筆記低好多細節。Carmen了解完我哋係點樣認識，之後就用啲簡單、清晰嘅方式將我哋嘅故事表達出嚟，所以當日佢講嘅時候感覺似識咗我哋好耐，啲嘢都好連貫💖。”

“我係經朋友介紹認識到Carmen律師。佢好專業，都解答到我哋嘅問題😚。我哋有開過幾次會，Carmen律師都會問下我哋點樣認識同埋一啲background。喺處理文件方面，Carmen律師都做得好細心，會解釋每份文件嘅用途，令我哋知道係簽啲咩，都好放心💕。 當日證婚嘅時候，Carmen律師表現得好好，唔單止完成咗證婚儀式，仲令到現場氣氛都幾warm同開心，啲賓客都鍾意🌟。佢仲做埋MC個份，lead住我哋成個流程，令成個婚禮更加流暢。當時我哋係冇請 MC 同wedding planner，所以Carmen律師真係做咗好多嘢。佢會話俾我哋聽咩時候要做啲咩，咁我哋就照佢嘅指示佢做，唔會唔知做咩好🥹，令到我哋可以專心享受婚禮，真係非常好💯！”