“我覺得La More嘅自由度比較大，安排都比較彈性😆。我當時係同朋友兩對新人一齊去租衫，佢哋嘅同事都好nice，有陣時我未有一啲清晰嘅諗法，同事都會俾好多實用意見我。La More收費透明，服務又好好，唔會逼我一定要喺佢哋到買nubra🥹。La More嘅禮服同西裝選擇都多，佢哋每個月都會入新款，同事都會主動叫我去試下。我自己都有啲想試嘅款，試完同事都會俾啲意見我，又會主動建議我試一啲啱我身型嘅款式👍。

有陣時我哋有兩件衫唔知揀邊件好，同事會主動提議幫我哋hold住，俾時間我哋返屋企諗下，或者問吓其他人意見再決定都可以，所以同事都好明白我哋嘅感受，唔會催我哋💕。就連我媽咪同奶奶都好鍾意La More嘅同事。可以改善嘅地方係La More嘅試衫空間可以再大啲，因為佢哋booking都好full， 空間大啲嘅話，可能會再舒服啲🤪。”

“我係因為朋友介紹先識到La More，最後會揀佢哋，主要係因為La More喺網上嘅評價幾好，好多人都讚佢哋服務好，令我哋都有信心去揀佢哋，加上價錢都合理🥰。喺同佢哋聯絡嘅過程中，感覺同事都好友善，而且有耐性。不過，唔同同事之間嘅交接就唔算做得好好，例如我同其中一位同事提過嘅要求，但另一位同事未必知道，不過後尾佢哋都有繼續keep住follow。

我自己對款式有啲想法，所以就主要集中試自己鍾意嘅款。同事喺我試衫嗰陣會了解我嘅喜好，之後都會不斷推薦啲適合嘅款式俾我，又會俾到好多實用嘅意見我😚。即使試咗幾套都未揀好或者十五十六，同事都唔會唔耐煩，反而仲鼓勵我試埋其他款式，甚至比我仲積極。喺試 final fit 嗰陣，我哋發現有條裙嘅長度唔啱。La More嘅同事即刻就幫手改，兩位同事烏低身縫咗個裙腳兩個鐘，所以覺得佢哋唔計較自己付出幾多🥹。”