“我覺得Monalisa檔期上比較多， studio地點又方便，所以就揀咗佢哋🥰。 溝通嘅時候， 我覺得同事幾積極，有禮貌同埋回覆嘅速度都幾快💗。 佢哋都解答到我哋一啲疑慮， 同埋都講得好仔細😋。

我哋喺studio影咗四至五個場景， 大部份嘅場景都係符合我哋嘅預期🤣， 有一個有少少老土。男攝影師份人幾隨和同搞笑， 而且會搞下氣氛🤪，團隊都幾有默契。攝影師都會俾啲指示我哋去擺pose， 唔會令到我哋束手無策🥹。 我哋影之前嗰幾日都落緊大雨，佢哋好快手同細心清潔咗個studio，所以個場好乾淨🥰。

我同太太收到相都覺得唔錯🤩， 如果有朋友結婚我都想介紹俾佢哋， 整體嚟講佢哋性價比都幾高，啲同事都好主動，婚紗又多選擇，環境又整潔。成個過程都好舒服🥳！”

“Monalisa嘅studio環境好舒服同埋有好多景，外景我揀咗去清水灣小棕林同埋大坳門。 無論係同媽咪定係同另一半影果輯嘅攝影師都好健談🥳，因為我哋唔係好識擺pose，係影相嗰陣我哋做啲親密啲嘅舉動，都會有啲怕醜，但攝影團隊都會特登講啲嘢去活躍氣氛❣️，令到我哋輕鬆啲。助手阿軒都好有經驗，有陣時佢自己調校角度嘅時候，化妝師就會幫我哋補妝。最後出到嚟啲相都好滿意😙，只係有少少相嘅tone要執下，Monalisa亦都會同我哋講有啲咩問題就同佢哋講，非常樂意接受我哋嘅意見💖，成個過程都好愉快，唔會有壓力，所以真係辛苦曬Monalisa😚！”